Abbass ki nazron se koi parh ke tou dekhe...

Ehsaas ki ek Nehj-e-Balagha hai Sakina(SA)

Iss baat se mehsoos karo kya hai Sakina

Abbas (AS) ke honton ka qasida hai Sakina

Aina-e-Zehra(SA) mein jo dekha tera bachpan

Har aks pukara ke tuu Zehra(SA) hai Sakina

Jo pyaar ke parcham ki alamdaar hai ab tak

Abbas ki woh pyari Sakina hai Sakina

Abbas ki nazron se koi parh ke tou dekhe

Ehsaas ki ek Nehj-e-Balagha hai Sakina

Jo mashk mein bhar sakta hai dunya ke samandar

Kaunain mein bas woh tera saqqa hai Sakina

Har umr ke Haider(AS) ne jhulaya tera jhula

Yeh Auj faqat tuu ne he paya hai Sakina

Darya ke lab nouk-e-qalam chuum rahey hain

Meine abhi likha nahin, soocha hai Sakina

Rehan ki suurat woh sarafraz rahega

Jis ne teri dehleez ko chuuma hai Sakina

Abbas ke honton ka qasida hai Sakina...