Yeh haseen shaam apni
Abhi jis mein ghul rahi hai
Tere pairahan ki khushbu
Abhi jis mein khil rahe hain
Mere khwaab ke shagoofay
Zara dair ka hai manzar…
Zara dair mein ufaq pe
Khilayga koi sitaara
Teri simt dekh kar woh
Karayga koi ishaara,
Tere dil ko aayega phir
Kisi yaad ka bulaawa,
Koi qissa-e-judai
Koi kaar-e-naa-mukammal
Koi khwaab-e-naashagufta…
Koi baat kehne wali,
Humein chahiye tha milna
Kisi ehd-e-meherbaan mein
Kisi khwaab ke yaqeen mein,
Kisi aur aasmaan per
Kisi aur sarzameen mein
Humein chahiye tha milna…
-Parveen Shakir
-Parveen Shakir
