Mohabbat Mar Nahin Sakti

"KION?"

Yes, that is exactly my question. Aray bhaee! Kion nahin mar sakti? Matlab mujhey koi iss baat ki mantaq sumjhaye. Iss duniya mein har cheez ko fana hai tu Mohabbat mein kya anokha hai? Mohabbat kion ker lafaani hai? Mohabbat kis khushi mein mout se mustasna hai?

Mohabbat mar sakti hai! Han! (Oh and mind you!) Mera ishara eik begharz kisam ki mohabbat ki taraf hai. Han, tu baat ye hai ke mohabbat mar sakti hai kion ke koi bhi cheez humesha baqi nahi rehti siwaye Uss ke jo har cheez ka Khaaliq hai. Ab dekhiye na, mohabbat bhi Rab ki khilqat hai. Khuda ne takhleeq kiya mohabbat ko aur bohat sarii cheezon ki tarah matlab- Mohabbat bhi makhlooq/khilqat hai! Ab jab ke insaan jo ke "ashraf-ul-makhloqaat", yani tamam makhloq se afzal, jab usay he mout se koi istasna hasil nahi tu phir yeh mohabbat kya cheez hai janab?

Hosakta hai aap ko ikhtilaf ho meri ra'ye se balke ain mumkin hai ke aapko aitraaz ho. Kijye! Bilkul kijiye, shoq se kijiye- aapko haq hasil hai. Magar mein is mein aapki koi madad nahi karsakti jab tak ke aap mujhey koi mazboot aur wazni kisam ki koi mantaq nahi paish karte.

Yeh mera "aarzi" falsafa hai. Aap apni kahiye? Mein sarapa sama'at hon. Ab aap ko aitraaz hoga ke yeh "aarzi" falsafey se meri kya murad! Tu janab, iss baat se murad yeh hai ke... Iss saray falsafey mein eik loophole hai- ab woh loophole kya hai yeh mein, bohat ma'zarat ke saath, aapko nahi bataongi. Aap ko Allah ne dimagh zahir hai istemal karne ke liye he diya hai lehaza istemal kijiye. Khair, tu iss loophole ki waja se  bilkul abhi abhi eik aur khayal mere zehan mein aya hai aur woh yeh hai ke...

Mohabbat is one of the types of energy.

And don't all of us know what the mash'hor-e-zamana law about energy is.Yes. "Energy cannot be created or destroyed, it can only be changed from one form to another."

You know what am I thinking now? Exactly. What does it become when mohabbat changes form?

Hmm... *shrugs*

P.S. This post is a product of sheer randomness. Please bear with me. *grins*