Sitare kuch jhilmila rahe hain...

Hawa'ain gumsum, har soo andhera

Haye woh shaam-e-ghareeba'n

Jalti zameen per tifl pareshan-o-hirasa'n

Raawi bayan karta hai you'n gham ka majra...

Darauna jungle, hai raat andheri

Sitare kuch jhilmila rahe hain

Paray hain raiti pe chand laashay

Jo apna gham aap utha rahay hain

Darauna jungle, hai raat andheri

Sitare kuch jhilmila rahe hain

Shikasta hathyaar kuch paray hain

Yeh loog shayad yahan laray hain

Laray tou woh honge jo baray hain

Nazar tou bachay bhi arahe hain

Darauna jungle, hai raat andheri

Sitare kuch jhilmila rahe hain

Harrum pe kya guzri baad inke

Nahin zaroorat ke koi poochey

Jalay howey jo paray hain khaimay

Woh inka lut'na bata rahe hain

Darauna jungle, hai raat andheri

Sitare kuch jhilmila rahe hain

Yeh loog hain kaun khandaa'n ke

Jo koi poochey tou kis se poochey

Musafir atay hain jo idher se

Woh raah qatra ke ja rahe hain

Darauna jungle, hai raat andheri

Sitare kuch jhilmila rahe hain

Na koi murdon pe rooney wala

Na koi zakhmon ko dhonay wala

Parinde kuch kar rahe hain naala

Darinde kuch khaak ur'ra rahe hain

Darauna jungle, hai raat andheri

Sitare kuch jhilmila rahe hain

Paray hain maqtal mein jitne laashay

Kisi badan mein bhi sar nahin hai

Sar unke kaatay sitamgaro'n ne

Woh sar harrum ko dikha rahey hain

Darauna jungle, hai raat andheri

Sitare kuch jhilmila rahe hain

Woh eik mastoor ya za'eefa

utha ke hathon mein chaubay khaima'n

Uthi hai dainay harrum ka peh'ra

La'een jin ko darra rahey hain

Darauna jungle, hai raat andheri

Sitare kuch jhilmila rahe hain

Shifa'atey hashr karne waley

Kahain jo woh kar guzarne waley

Ghayoor hain yeh woh marne waley

Jo hum ko ab tak rul'a rahey hain

Darauna jungle, hai raat andheri

Sitare kuch jhilmila rahe hain