Kuch din tou basso meri aankhon main
Phir khawab agar ho jao tou kya
Koi rung tou do mere chehray ko
Phir zakham agar mehkao tou kya
Ik aaina tha so toot gaya
Ab khud se agar sharmao tou kya
Main tanha tha, main tanha hoon
Tum aao tou kya, Na aao tou kya
Jab hum he na mehkay phir sahib
Tum baad-e-saba kehlao tou kya
Jab daikhnay wala koi nahin
Bujh jao tou kya, jal jao tou kya
Eik weham hai yeh duniya is mein
Kuch kho'o tou kya aur paao tou kya
Hai youn be ziyaan aur youn bhi ziyaan
Jee jao tou kya mar jaao tou kya...
-Obaidullah Aleem
No comments:
Post a Comment